Më 15 Janar të vitit 1999 në Reçak të Kosovës ndodhi një ndër masakrat më të rënda të luftës.
45 civilë shqiptarë civilë u vranë dhe masakruan të njëjtën ditë, në mesin e të cilëve edhe fëmijë, gra dhe pleq, nga forcat policore, ushtarake dhe paramilitare serbe në lokacione të ndryshme.
Sylejman Kllokoqi kameramani që i tregoi botës për masakrën e Reçakut tregoi në një intervistë televizive përjetimet e asaj dite kur pamjet e dokumentuara prej tij i treguan botës fytyrën e vërtetë të Serbisë.
Kllokoqi kujtoi se pas xhirimit të pamjeve të masakrës i është dashur të qëndrojë për një kohë i fshehur nëpër bodrume, se policia serbe e kërkonte ngado.
“Serbia po mundohet të tregojë se nuk ka ekzistuar Reçaku, por fotot, xhirimet e mija janë të gjitha autentike si punonjës i AP në atë kohë. Një muaj më herët policia sekrete e Serbisë më kanë thirrur dhe më kanë rrahur për shkak të filmimeve të një masakre tjetër dhe më thanë, herën tjetër ke plumbin. Por kur pashë Reçakun nuk munda të rezistoj, mora kamerën dhe shkova. I xhirova dhe mendova të fshihem pak dhe u largova nga kamera rreth një javë. Kam qenë në rrezik gjithmonë se do vijnë serbët, do marrin vesh që unë i kam xhiruar ato dhe do më kërkojnë, çka është e vërtetë. Gjatë bombardimeve policia ka ardhur të më kërkojë në shtëpinë time dhe kam qëndruar i fshehur nëpër bodrume”, tregoi ai.
Diskutime rreth kësaj post