Kryeministri Rama publikon pamjet nga Alpet: Dikur të izoluara, sot frekuentohen nga turistë

Këtë mëngjes, përmes një postimi në llogarinë e tij në “Facebook”, kryeministri i vendit Edi Rama, ka publikuar pamje nga Alpet e mbuluara nga dëbora.

Kryeministri shprehet se këto Alpe që deri para pak vitesh kanë qenë të izoluara gjatë gjithë dimrit, sot frekuentohen nga turistë e të apasionuar pas sporteve natyrore e atyre të aventurës.

Postimi i Ramës:

“Mirëmëngjes dhe me këto pamje nga Alpet, deri pak vite më parë të izoluara gjithë dimrin e gjatë, e sot të frekuentuara nga turistë e të apasionuar pas sporteve natyrore e të aventurës, ju uroj një ditë të mbarë!”,- shkruan Rama.