Lideri i Hamasit, Ismail Haniyeh është shprehur se janë afër një marrëveshjeje për një armëpushim me Izraelin.
Zyrtarët e Hamasit janë “afër arritjes së një marrëveshjeje armëpushimi” me Izraelin dhe grupi i ka dhënë përgjigje ndërmjetësuesve të Katarit, tha Ismail Haniyeh në një deklaratë për Reuters.
Haniyeh nuk zbuloi më shumë detaje por një zyrtar i grupit tha për Al Jazeera TV se negociatat ishin të përqendruara në atë se sa do të zgjaste armëpushimi, marrëveshjet për dërgimin e ndihmave në Gaza dhe shkëmbimin e pengjeve izraelitë të mbajtur nga Hamasi me të burgosurit palestinezë në Izrael.
Zyrtari tha se të dyja palët do të lirojnë gratë dhe fëmijët dhe detajet do të shpallen nga Katari, i cili është duke ndërmjetësuar në negociata.
Hamasi mori rreth 240 pengje gjatë sulmit të tij të 7 tetorit në Izrael që vrau 1200 njerëz. Bisedat për një marrëveshje të afërt pengjesh kanë qarkulluar për ditë të tëra.
Reuters raportoi javën e kaluar se ndërmjetësit e Katarit po kërkonin një marrëveshje për Hamasin dhe Izraelin për të shkëmbyer 50 pengje në këmbim të një armëpushimi tre-ditor që do të nxiste dërgesat e ndihmave urgjente për civilët e Gazës, duke cituar një zyrtar të informuar mbi bisedimet.
Ndërkohë teksa negociohet për armëpushim, sulmet vijojnë.
Disa persona kanë vdekur pasi një kamp refugjatësh në qendër të Gazës u bombardua në mesnatë.
Agjencia palestineze e lajmeve ËAFA fajësoi Izraelin për sulmin e supozuar, por nuk pati asnjë koment të menjëhershëm nga ushtria izraelite.
Kampi u përfshi gjithashtu nga sulmet ajrore të premten dhe të dielën.
Izraeli ka mohuar në mënyrë të përsëritur të ketë shënjestruar civilët gjatë operacionit të tij ushtarak, por kritikët kanë argumentuar se rrethimi dhe bombardimet e tij të pamëshirshme janë ndëshkim kolektiv ndaj popullit të Gazës.
Diskutime rreth kësaj post