Analisti Mentor Nazarko thotë se e djathta italine do të tregojë që nuk ka zëra kundër marrëveshjes Shqipëri-Itali për emigrantët, teksa komentoi deklaratën e Sali Berishës, i cili tha se kryetari i Forza Italia, Antonio Tajani i ka kërkuar që të tërhiqet për këtë çështje.
Në emisionin “Real Story” në ABC News, Nazarko u shpreh se Tajani, diçka ka arritur përmes bisedës që ka zhvilluar me Berishën, edhe pse përmbajtja mbetet e rezervuar.
“Në fakt, e djathta italiane, Meloni si përfaqësuesja më e rëndësishme e saj, e kanë diferencuar Berishën, janë diferencuar edhe nga bashkësia evropiane e udhëheqësve, duke e uruar për zgjedhjen, diçka që në fakt, është një mbështetje e madhe për Berishën, pasi është i izoluar ndërkombëtarisht. Ishte tërësisht logjike që në këtë iniciativë të Melonit, për të ofruar një model trajnimi jashtë kufijve të BE, të emigracionit të paligjshëm, që është iniciativë jetike, karta kryesore për qëndrueshmërinë e asaj qeverie. U zgjodh Shqipëria, e pranoi këtë.
Tajani, që është aleati kryesor, që është pasardhës i Berlusconit, në krye të Forza Italia, donte të tregonte që kishte kapacitet edhe për të zvogëluar kundërshtitë që janë brenda shqiptare në lidhje me këtë ligj. Diçka ka arritur. Do ketë Kongresin tani, atij i mungon totalisht dimensioni ndërkombëtar. Kjo telefonatë, në vetvete, pavarësisht përmbajtjes, mbetet e rezervuar.
Sigurisht, po tregon edhe një rikthim të dukshëm të Italisë në Shqipëri. Po them rikthim të dukshëm, sepse Italia vazhdon të jetë në kuota të larta në planin ekonomik, njerëzort dhe kulturor,. Ardhja e Tajanit shënon një figurë pro aktive në politikën e Jashtme italiane, posaçërisht ballkanike dhe akoma më shumë në marrëdhëniet me Shqipërinë. Qëllimi i së djathtës italiane, Melonit, Tajanit dhe të tjerë, është për të treguar se nuk ka zëra që e kundërshtojnë këtë marrëveshje, me ndonjë përjashtim të vogël. Shqipëria është kompakte, shumica e shteteve të BE janë pro. Pra, ata duan ta trajtojnë ta izolojnë të majtën italiane, duan t’i thonë që janë të vetmit që po e kundërshtojnë marrëveshjen”, theksoi ai.
Diskutime rreth kësaj post