Presidenti turk Rexhep Tajip Erdogan i bëri thirrje sot Izraelit që të lejojë hyrjen e ndihmave humanitare në Rripin e Gazës përmes kanalit Rafah.
“Ndërsa ne kemi përjetuar efektet negative të luftës Ukrainë-Rusi, ngjarjet midis Izraelit dhe Palestinës e kanë rritur edhe më shumë shqetësimin tonë. I bëj thirrje gjithë botës se ndërprerja e furnizimit me ujë, energji elektrike dhe ushqim për 2 milionë njerëz të bllokuar në një rreze prej 360 kilometrash është shkelje e të drejtave më elementare të njeriut. Ndëshkimi i banorëve të Gazës do të shkaktojë më shumë lot”, tha ai ndër të tjera.
Sipas Erdogan, Turqia po vazhdon negociatat për lirimin e të rrëmbyerve dhe gjetjen e zgjidhjeve për krizën që po mundon më gjerë rajonin.
Presidenti turk shtoi se një aeroplan që transportonte ndihma turke për banorët e Rripit të Gazës u ul në Egjipt në mesditë dhe se vendi i tij synon të vazhdojë dërgimin e ndihmave humanitare në koordinim me Kajron.
“Ndërsa ne, Katari dhe Arabia Saudite po e bëjmë këtë (një mision ndihme humanitare), SHBA dhe Britania e Madhe po flasin për dërgimin e aeroplanmbajtësve. Pyes veten nëse këto janë përfshirë në deklaratën e të drejtave të njeriut. Ne jemi të shqetësuar. Nëse keni respektin më të vogël për Deklaratën Universale të të Drejtave të Njeriut, duhet të flasim se çfarë lloj ndihme mund të ofrojmë këtu. Ne do të vazhdojmë të dërgojmë ndihmën tonë humanitare në Gaza. Ne u bëjmë thirrje të gjitha palëve të arsyetojnë dhe të diskutojnë paqen e qëndrueshme. Sot, Gaza është e shtypur dhe e viktimizuar. Izraeli nuk është në një situatë të tillë”, tha presidenti turk.
Më herët sot, ministria e jashtme e Turqisë tha se pret që Izraeli të ndalojë urgjentisht sulmet ndaj civilëve në Gaza. Në të njëjtën kohë, ai theksoi se “njoftimi i ushtrisë izraelite se popullsia palestineze që jeton në pjesën veriore të Gazës duhet të largohet në Gazën jugore brenda 24 orëve nuk është në asnjë mënyrë e pranueshme. Të detyrosh 2.5 milionë banorët e Gazës të migrojnë në një zonë jashtëzakonisht të kufizuar është një shkelje e qartë e ligjit ndërkombëtar dhe nuk ka vend në njerëzimin,” shtoi Erdogan.
Diskutime rreth kësaj post