Rishi Sunak kërkon më shumë mbështetje në Ukrainë, premton ulje taksash

Kryeministri Rishi Sunak, u bëri thirrje sot aleatëve ndërkombëtarë të Britanisë që t’i ofrojnë Ukrainës mjetet për ta ndihmuar atë të fitojë luftën kundër Rusisë.

“Nëse i japim Presidentit Zelensky mjetet, ukrainasit do ta kryejnë punën”, tha Sunak në konferencën e e Partisë Konservatore.

Sunak premtoi ulje taksash.

Në të njëjtën kohë, ai u zotua të ulë taksat sapo inflacioni të jetë nën kontroll .

“E di që ju dëshironi ulje taksash. Edhe unë i dua dhe do ta bëjmë. Por ulja më e mirë e taksave që mund t’i bëjmë botës tani është të përgjysmojmë inflacionin dhe të përmbajmë koston e jetesës”, tha Sunak.

Kryeministri britanik anuloi gjithashtu, seksionin verior të projektit të hekurudhave me shpejtësi të lartë HS2, duke thënë se dyfishimi i kostove çoi në vendim.

Në vend të kësaj, ai u zotua të investojë 36 miliardë paund nga paratë e kursyera në rrjetet e reja të transportit.