Kryeministri Edi Rama reagoi ndaj mikut të tij të ngushtë Aleksandër Vuçiç, pasi Serbia shpalli zi kombëtare pas vrasjes së tre terroristëve serbë nga Policia e Kosovës.
Rama sërish nuk e përmend fjalën akt terrorist dhe nuk e dënon këtë sulm të rëndë.
Por ai këshillon Vuçiçin duke i thënë se nuk duhej të shpallte zi, por të hetonte.
Kryeministri shqiptar vazhdon të flasë si një ndërkombëtar dhe jo si një drejtues shteti që e ka në Kushtetutë të mbrojë të drejtat e shqiptarëve.
“Zija e shpallur zyrtarisht në Beograd për pjesëtarët e grupit të armatosur që u asgjësuan nga forcat e sigurisë së Republikës së Kosovës, pasi nga ai grup iu mor jeta një efektivi të policisë është sinjali më i keq që Serbia mund t’i jepte rajonit dhe komunitetit euro-atlantik!
Në ndërkohën që duhet të kishte hapur një hetim serioz për anëtarët e atij grupi kriminal, lidhjet e tyre me trafikantët e armëve dhe me të tjerë individë apo entitete, në Serbi apo gjetkë, potencialisht të angazhuara në krijimin e një lëvizjeje të armatosur në Veriun e Kosovës, Beogradi me këtë shpallje zije që nuk ka asnjë lidhje me shekullin XXI, i fryn si asnjëherë më parë qysh prej vitit 1999, zjarrit të një konflikti të armatosur!” shkruan Rama.
Diskutime rreth kësaj post