Vajza nëse kurorëzoni dashurinë nën këtë moshë në Kinë, përfitoni bonus martese

Kina Lindore së fundmi ka vendosur një shpërblim për të gjithë nuset e ardhshme që janë nën 25 vjeç.

Mediat e huaja shkruajnë se çmimi i dëmshpërblimet do të jetë prej 1,000 juanësh ose 137 dollarë. Ndër të tjera thuhet se shpërblimi jepet për të promovuar “martesën dhe lindjen e fëmijëve në një moshë të përshtatshme”.

Po ashtu, në të njëjtin njoftim njoftohen një sërë masash dhe subvencionesh për infertilitetin, kujdesin ndaj fëmijëve dhe edukimin për çiftet që tashmë kanë fëmijë.

Me rënien e popullsisë për herë të parë në gjashtë dekada dhe një popullsi të madhe në plakje, autoritetet kineze po zbatojnë urgjentisht një paketë masash për të rritur shkallën e lindjeve.

Mosha minimale ligjore për martesë në Kinë është 22 vjeç për burrat dhe 20 vjeç për gratë, por numri i çifteve që vendosin të martohen është në rënie.

Shkalla e lindshmërisë së Kinës, tashmë një nga më të ulëtat në botë, vlerësohet të ketë rënë në nivelin më të ulët historik në vitin 2022.

Kostoja e lartë e rritjes së fëmijëve dhe kërcënimi i “ngrirjes” në karrierën e tyre i shtynë shumë gra të shtyjnë lindjen e fëmijëve, në një vend ku diskriminimi gjinor dhe stereotipet janë ende të përhapura.