Dana White, shefja e Kampionatit Ultimate Fighting, zbuloi se ka nisur diskutimet me zyrtarët në Itali për mundësinë e organizimit të luftës midis dy manjatëve të teknologjisë, Elon Musk dhe Mark Zuckerberg në Koloseum.
Lajmi më tej u konfirmua… pjesërisht, pa dhënë detaje të vendndodhjes së saktë, nag vetë kreu i Tesla-s.
Në postimin e tij në Twitter, Musk ka treguar se ka folur dhe madje ka bideduar me Georgia Melonin, që “dueli” me themeluesin e Facebook të zhvillohet në Itali, në një “lokacion epik” që do të tregojë “respekt për të kaluarën dhe të tashmen” e vendit.
Njëkohësisht me fjalën “Gladiator” ai tregoi se është gati të bjerë në “betejë”, duke iu referuar edhe filmit të njohur me “gladiatorin” Russell Crowe të vitit 2000.
Musk tha gjithashtu se lufta do të organizohet nga institucionet në pronësi të tij dhe Zuckerberg, pa përfshirjen e Ultimate Fighting Championship, do të ketë një Livestream në Twitter dhe Facebook, ndërsa i gjithë ambienti do t’i ngjajë… Romës së lashtë.
Sipas Politico, megjithatë, Ministria Italiane e Kulturës tha se Koloseu nuk ishte një opsion për duelin për shkak të rinovimeve.
Diskutime rreth kësaj post