Çfarë ndodhi me raportin e Luiz Ejllit dhe Noizy? Ish-banori i “BBVA” tregon pse nuk do jetë në koncertin ‘Alpha Show 2’

Luizi Ejlli ka konfirmuar se nuk do të marrë pjesë në koncertit e Noizyt në 4 gusht. Ejlli, përmes një videoje, ka sqaruar se për shkak të angazhimeve, e ka të pamundur të marrë pjesë në “Alpha Show”, por i uron suksese mikut të tij Rigels Rajkut (i njohur me emrin e artit si Noizy).

“Po lexoja nëpër portale, pse nuk është Luizi te koncerti i Noizyt. Përgjigjsa është se unë kam shumë koncerte, shumë aktivitete, e kam agjendën shumë të ngarkuar. Si unë, ka edhe shumë kolegë të tjerë, të cilët nuk janë. Unë i uroj me shpirt dhe me zemër Noizyt dhe të gjithë artistëve që do të jenë aty që koncerti të shkojë sa më mirë, të ketë sa më shumë sukses, të ketë sa më shumë audiencë. Të shkëlqejë si di ai. Do të takohemi me Noizyn, me të gjithë, këtu do jemi. Do të punojmë bashkë, do të rrimë bashkë, pa merak”.- shprehet Luizi.

Kështu, fituesi i “Big Brother VIP” shuan zërat se mes tij dhe Noizyt nuk ka më raport miqësor.