Këshilli Kombëtar i PD ka vendosur të anulojë zgjedhjet e datës 29 Korrik 2023, pasi e konsideron procesin antistatutor dhe fars.
Sekretari i Përgjithshëm, Gazment Bardhi tha në një deklaratë për mediat se do të kërkohet çregjistrimi i Lulzim Bashës nga regjistri i partive politike, pasi ai ende figuron kryetar i PD-së.
“Këshilli Kombëtar, si organi drejtues më i lartë, konstatoi se thirrja e takimit të disa anëtarëve të Këshillit Kombëtar të PD, në daatën 20 qershor 2023 me pretendimin se u zhvillua mbledhja e Këshillit Kombëtar të PD, dhe të ashtuquajturave vendime, shkelin të gjitha normat e statutit të PD që rregullojnë funksionimin dhe vendimmarjen e saj si institucion politik, dhe që garantojnë bashkëjetesën brenda partisë, duke falsifikuar përbërjen e Këshillit Kombëtar jashtë veprimtarisë institucionale të partisë. Konkludoi se çdo i ashtuquajtur qëndrim apo vendim i këtij takimi është nul dhe nuk ka asnjë vlerë politike dhe ligjore për PD. Vëren se të gjitha vendimet dhe qëndrimet e Kryesisë së partisë duke filluar nga data 6 qershor 2023 janë antistatutore, pa kuorum. Këshilli Kombëtar, me votim të hapur, vendosi: konstatimin se në datën 20 qershor, nuk ka pasur asnjë mbledhje të rregullt statutore të Këshillit Kombëtar të PD dhe asnjë vendim të vlefshëm statutor dhe ligjore. Të gjitha ato vendime apo qëndrime janë nul dhe akte të pavlefshme.
Shfuqizimin e vendimit të datës 6 qershor 2023, të Kryesisë së partisë, për organizmin e procesit zgjedhor për kryetar, dhe udhëzimet apo urdhrat që kanë pasuar këtë vendim deri në datën e vendimit të Këshillit Kombëtar. Pranimin e dorëheqjesa së ish kreyetarit të Lulzim Basha dhe pranimin e dorëheqjes së nënkryetarit të partisë, Enkelejd Alibeaj. Këshilli Kombëtar i PD, si organi më i lart drejtues i Partisë, i ka autorizuar deputetët që në emër të Partisë Demokratike të Shqipërisë të kërkojnë çregjistrimin e ish-Kryetarit të dorëhequr të PD Lulzim Basha nga regjistri i partive politike.”, theksoi Bardhi.
Vendimet e Këshillit Kombëtar të Partisë Demokratike
Keshilli konstatoi se te gjitha vendimet dhe qëndrimet e Kryesisë se PD, duke filluar nga data 6 Qershor 2023, janë antistatutore, të marra pa kourum, dhe nuk kanë mbajtur në konsideratë pasojat që mund të sjellin në përçarjen dhe dobësimin e mëtejshme të partisë. Sipas informacioneve, Keshilli Kombetar i Gazment Bardhit, aktet e Kryesisë së Partisë kanë arritur deri më aty sa kanë përdorur, falsifikuar dhe prodhuar në mënyrë të paautorizuar vulën e PD, përmes një vendimi nul dhe antistatutor. Të gjitha këto vendime janë anulluar dhe Këshilli Kombëtar ka vendosur të pezullojë veprimtarinë statutore të Kryesisë së PDSH, deri në verifikimin e rregullshmërisë statutore të përbërjes së saj.
Një grup deputetësh janë ngarkuar të ndjekin të gjitha hapat ligjor dhe statutor për zbatimin e vendimit të Këshillit, si dhe për përfaqësimin e Partisë Demokratike, në rrugë ligjore për të kundërshtuar cdo akt që bie ndesh me vendimin. Gjithashtu, Këshilli Kombëtar i PD, si organi më i lart drejtues i Partisë, i ka autorizuar deputetët që në emër të Partisë Demokratike të Shqipërisë të kërkojnë çregjistrimin e ish-Kryetarit të dorëhequr të PD Lulzim Basha nga regjistri i partive politike.
Diskutime rreth kësaj post