Sezoni i ri televiziv do jetë me figura të reja. Ju thamë pak muaj më parë që moderatori, Alban Musa do të rikthehej në shtator në ekranin e Top-Channel, por do jetë bashkë me një bashkëprezantuese.
”Kryefjala” ka mësuar se Albani do të ketë në krah këngëtaren dhe spikeren radiofonike, Julka Gramo.
Julka rikthehet në ekran pas shumë vitesh pauzë, pasi eksperienca e saj e fundit televizive ishte në RTSH, si një nga moderatoret e programit të pasdites asokohe.
”Kryefjala” ka mësuar se kur programi “Në shtëpinë tonë” është krijuar Julka ka qenë një nga pretendentet për ta prezantuar por asokohe në krah të Albanit u përzgjodh, Anjeza Maja. Megjithatë në shtator Albanin dhe Julkën do t’i shohim bashkë nga e hëna në të premte.
Diskutime rreth kësaj post