Afera me Safet Gjicin, Ferhati: Alma Kaçi ka bërë kurs për detektive private

Gazetari Eni Ferhati zbulon se Alma Kaçi, 40-vjeçarja në videon erotike me Safet Gjicin në zyrën e kryetarit të Bashkisë së Kukësit, ka bërë kurs për detektive private si dhe ka punuar si gazetare në televizione lokale të Durrësit.

I ftuar në emisionin Opinion në Tv Klan, gazetari Ferhati u shpreh se versionet që japin si Safet Gjici ashtu dhe Alma Kaçi, janë kontradiktore për SPAK dhe po bën verifikime e hetime.

“Gjici akuzohet për korrupsion pasiv. Është arrestuar të shunën, por vendimi është marrë të premten e kaluar. Avokati i z.Gjici pretendon që është një masë ekstreme në raport me akuzën e ngritur.”

Kjo ka qenë karta që ka luajtur avokati që nuk ka rrezikshmëri të veprës penale. Gjici rrezikon nga 4 deri në 12 vite burg, aq parashikon Kodi Penal për korrupsion pasiv ndaj funksionarëve të lartë.

Sa i takon Alma Kaçit, edhe ajo akuzohet për korrupsion aktiv. Kemi të paktën 3 versione konntradiktore. Z.Gjici filimisht ka pretenduar për sulm politik, ka pretenduar që ka patur raport intim me vajzën. Por këto dy qëndrime janë rrëzuar sot nga Alma Kaçi.

Sot kemi mësuar që është përgjuar me anë të një kutie minitermusi. Mendonim që ishte çanta. Alma Kaçi nuk është një personazh kaq i thjeshtë për sa kohë ka informacione që ka kryer për disa kohë një kurs për detektive private, nuk e ka përfunduar. Ka qenë një gazetare e angazhuar në qytetin e Durrësit në televizione lokale”.

Edhe pse nuk ka patur asnjë dokument për projektin, Ferhati sqaroi se premtimi që bëri ish-kryebashkiaku i Kukësit Safet Gjici konsiderohet si vepër penale.

“Nga ana tjetër, z.Gjici ka patur më tepër një reagim emocional. Është sekuestruar dhe kompjuteri i zyrtarit dhe nuk ka asnjë email apo shpallje për tenderim publik. Akuza qëndron te video dhe premtimi sepse z.Gjici i premton pas përfundimit të aktit seksual. Neni 260 përfshin dhe premtimin. Njeriu kyç që mund të vendosë enigmat është vetë Alma Kaçi e cila nuk ka pranuar të flasë”.

Eni Ferhati bëri të ditur se që nga dita e publikimit të videos erotike, Safet Gjici nuk është larguar për asnjë moment nga Shqipëria.

“Gjici është arrestuar pranë banesës së tij në zonën pranë liqenit artificial në një prej lokaleve në pronësi të tij. Kanë qenë oficerë të OPGJ që kanë ekzekutuar arrestimin. Gjatë gjithë kësaj periudhe z.Gjici ka qenë brenda territorit”.

Safet Gjici u la në arrest në burg sot nga Gjykata e Posaçme, ndërsa Alma Kaçi në arrest shtëpie.