Meteorologia Lajda Porja zbulon se çfarë pritet të ndodhë me motin gjatë kësaj jave, ja sa do të shkojnë temperaturat

Meteorologia e Meteoalb, Lajda Porja tha në emisionin GoodMorning Albanians në Euronews Albania se javë në vazhdim pritet të jetë me mot të qëndrueshëm dhe ditë me diell.

Kjo javë nuk do të ketë luhatje drastike të temperaturave në krahasim me valët e të nxehtit afrikan. Temperaturat do të luhaten në 16 gradë celsius në vlerat minimale dhe jo më shumë se 34 në vlerat maksimale.

Mesi i javës do kulmojë me temperatura 34 gradë celsius. Zonat me temperatura më të larta do jetë Elbasan, ndërsa në bregdet do jetë më freskët, me temperatura 30-31 gradë celsius.