Ministri i Punëve të Brendshme, Xhelal Sveçla, ka njoftuar mbi arrestimin e një serbi tjetër, i cili dyshohet të ketë organizuar sulmet në veri të vendit. Nemanja Vllaskovic, është huligani serb që, sipas ministrit Sveçla, ka sulmuar gazetarë në Leposaviq, ditën e 29 majit.
“Një nga udhëheqësit e grupit që ka sulmuar gazetarët e mediumit Kallxo në Leposaviq me datë 29 maj, sapo është arrestuar. Nemanja Vllaskovic do të ballafaqohet me drejtësi për sulmet e kryera ndaj gazetarëve tanë. Të gjithë sulmuesit dhe kriminelët do të sillen para drejtësisë, kjo nuk ka alternativë” ka thënë mes të tjerash Sveçla.
Ky është reagimi i plotë i tij:
“Një nga udhëheqësit e grupit që ka sulmuar gazetarët e mediumit Kallxo në Leposaviq me datë 29 maj, sapo është arrestuar. Nemanja Vllaskovic do të ballafaqohet me drejtësi për sulmet e kryera ndaj gazetarëve tanë.
Të gjithë sulmuesit dhe kriminelët do të sillen para drejtësisë, kjo nuk ka alternativë.
Përgëzoj Policinë e Kosovës për punën në hetimin dhe arrestimin e sulmuesit e gazetarëve. Vazhdojmë, të përkushtuar, për drejtësi e pa kompromis kundër milicisë fashiste.”shkruan ai.
Diskutime rreth kësaj post