Disa kafshë hibride të çuditshme janë krijuar gjatë viteve. Kryqëzimi i fundit i pazakontë është krijuar në një kopsht zoologjik në Dorset, dhe kjo ishte krejtësisht rastësisht.
Dy qengja “shalai” kanë lindur pasi një dele “Shetland” u fut në dhomën e një dashi “Valais.”
“Qengjat Shalais janë shumë të rrallë, jam mjaft i sigurt se nuk ka të tjerë në Dorset”, tha Sandra Palmer-Snellin, drejtore e Farmer Palmer’s.
“Delet Valais zakonisht mbahen të racës së pastër, kështu që këto të dyja janë shumë të veçanta”.
Dy kafshët unike, një mashkull dhe një femër, lindën dy javë më parë, disa muaj pasi nëna e tyre dele Sheltand hyri në dhomën e një dashi Valais në vendin fqinj, shkruan Daily Mail.
Ajo ishte në dhomë vetëm për një orë para se stafi të vinte re mungesën e saj, por ajo dhe një dash me emrin Hank kishin kohë të mjaftueshme për të krijuar një familje.
Zonja Palmer-Snellin tha: “Qengjat e rinj janë kaq të bukur, saqë duken pothuajse si viça për shkak të këmbëve të tyre të gjata dhe njollave të zeza në fytyrë.”
“Mamaja e tyre është një dele Shetland me ngjyrë kafe të errët, e cila jetonte në fushën ngjitur me rrethimin e dashit Valais.”
Pasi ekipi në fermë gjeti delen me dashin, ata monitoruan mirëqenien e saj derisa të konfirmonin se ajo ishte shtatzënë.
Ferma ka hapur një konkurs në faqen e saj në Facebook për emërtimin e qengjave të rinj dhe tashmë ka pasur disa sugjerime gazmore.
“Whoopsie & Daisy”, sugjeroi njëri, ndërsa një tjetër bëri shaka: “Tina dhe Turner”.
Diskutime rreth kësaj post