Si e mendon veten përballë Luizit dhe a do të bënte Stresi duet me fituesin e ‘BBVA 2’

Stresi ka thënë se është i hapur për bashkëpunime muzikore dhe këtu nuk përjashtohet një duet potencial me Luiz Ejllin.

Gjatë pjesëmarrjes në emisionin “Mos i bjer me top” të Top Channel, fituesi i ‘Big Brother VIP Kosova’ është pyetur se si e mendonte veten përballë fituesit të ‘Big Brother VIP Albania 2’ dhe nëse do të fitonte përballë tij.

“Nuk e kam menduar asnjëherë, sepse… prandaj hyra në Big Brother VIP Kosova se ishte për herë të parë, edhe këtu, nuk do të kisha hyrë kurrë në Shqipëri, e kam deklaruar edhe para shumë kohësh. Këtu jo, sepse këtu jam i qyteti”, – është shprehur reperi.

Tutje, Arkimed Lushaj është pyetur nëse do të bënte një bashkëpunim muzikor me Luiz Ejllin.

“Për muzikë, gjithmonë jam i hapur edhe për bashkëpunime. Muzika është diçka ndryshe nga Big Brother dhe nga politika”, – ka thënë Stresi duke qartësuar se në rast të bashkëpunimit nuk do të ishte baladë.

Kujtojmë që reperi ditë më parë e ka publikuar duetin me rivalin e dikurshëm Noizy, “Medalioni”, që është duke u pritur shumë mirë nga fansat e tyre.