Sali Berisha nuk pranon humbjen. Ai beson te fitorja e zgjedhjeve lokale pavarësisht rezultateve paraprake në tre bashkitë ku pati votim elektronik. Ish-kryeministri u kërkoi komisionerëve që të numërojnë me vigjilencë deri në fund cdo votë.
“Ne do të mbrojmë votën. Jemi në proces të mbrojtjes së votës. E kam të pamundur sapo ishte lehtësisht e parashikueshme, por për mua parashikimi dhe paragjykimi nuk janë hipoteza pune. Unë udhëhiqem nga faktet dhe mbi to ndërtoj qëndrimet.
Edi Rama ka bërë gjithçka që nuk duhet të bënte për të deformuar një proces zgjedhor. Ne kemi të dhënat tona, kemi dominuar në mbarë vendin. Kemi pasur “poll”-et tona. Presim numërimin dhe jam këtu për të ftuar numëruesit për të kryer detyrën e tyre pa asnjë impresioni” tha ai.
Por a do të japë dorëheqjen nëse nuk merr shumicën e bashkive? Berisha u përgjigj duke lënë të kuptohet se do të ketë një rivotim për postin e tij duke shtuar se zgjedhjet parlamentare janë kryesoret që vendosin fatin e kryetarit të partisë.
“Kam deklaruar se statuti do të zbatohet pikë për pikë. Statuti ka parashikuar përgjegjësinë, në zgjedhjet lokale, si rregull në të gjitha statutet e partive analoge, janë të përgjithshmet etaloni për kryetarin e partisë, kurse ne kemi futur në statut rivotimin. Por është automatike kjo. Nuk varet nga unë. Kjo bëhet automatikisht” tha ai.
Diskutime rreth kësaj post