Afati i fundit në KQZ, PD pritet të garojë në 16 bashki, mungojnë ende 2 emra

Sot është afati i fundit për partitë politike për të dorëzuar në KQZ emrat e kandidatëve që do të garojnë për zgjedhjet e 14 majit.

Në orën 12:00 kryetari i komanduar i PD, Enkelejd Alibeaj zhvillon mbledhjen për dy bashkitë për të cilat nuk u vendos një natë më parë për daljen apo jo me kandidatë për kryetar bashkie, në Kurbin dhe Vaun e Dejës.

Gazetarja e Euronews Albania, Eksiola Shehu tha se në mbledhjen e zhvilluar një ditë më parë ka pasur deklarime të ndryshme, ndaj pritet të shihet qëndrimi i këtyre dy kandidatëve nëse do të pranojnë në garojnë për PD zyrtare apo do ta lënë garën të hapur për kandidatët e primareve.

Ndërkohë, deputetet e PS, Besjan Ajazi dhe Benet Beci dorëzuan mandatin e deputetit në kuvend pasi do të kandidojnë në zgjedhjet lokalet për bashkitë e Gramshit dhe Shkodrës.

Kandidatët e konfirmuar nga PD për 14 Majin:

Tiranë-Roland Bejko

Mallakastër- Agron Kapllanaj

Lezhë – Sandër Marku

Patos- Pranvera Rizai

Fier -Eriselda Zotaj Çelaj

Korçë-Gjergji Gjata

Poliçan – Florian Qamo

Kuçovë – Ilirjan Koxhaj

Kamëz – Bilbil Bajraktari

Krujë – Sabah Sheta

Dibër – Naim Gazidede

Dimal- Dritan Sula

Librazhd -Bujar Vreto

Vorë- Ibrahim Bruka

Sarandë- Skënder Muço

Mirditë-Mark Ruçi

Bashkitë që janë prezantuar kandidatë dhe ende nuk konfirmohet pjesëmarrja në zgjedhje

Kurbin- Genc Doçi

Vau i Dejës- Klomentina Drini

Bashkitë që nuk do të ketë kandidatë

Elbasan

Shkodër

Durrës