Komisioni i Ankimimeve dhe Sanksioneve ka rrëzuar kërkesën e partisë Lëvizja “Bashkë” për regjistrimin në zgjedhjet vendore të 14 Majit, duke lënë në fuqi vendimin e Komisionerit Shtetëror të Zgjedhjeve.
Kështu, Arlind Qorri, mbetet jashtë garës për kryebashkiak të Tiranës.
Për këtë arsye, Lëvizja “Bashkë”, duket se ka nisur aksionin për mbledhjen e firmave të nevojshme për regjistrim në KQZ.
Sot, një anëtar i kësaj Lëvizjeje, i bën thirrje qytetarëve që të nënshkruajnë në mënyrë që Qorri të regjistrohet si kandidat i pavarur në zgjedhje.
Thirrja e anëtarit:
“Deri tani Gjykata e Tiranës, KQZ-ja dhe KAS-i, në ndikimin e Erion Veliajt dhe Edi Ramës, na kanë penguar për t’u regjistruar si parti politike Lëvizja BASHKË. Prandaj mund të na duhet 7 mijë nënshkrime, që në rastin më të keq, të regjistrohemi si kandidat i pavarur.
Kush e ka gjendjen civile në Tiranë mund të na ndihmojë me një firmë për regjistrimin e Arlind Qorit si kandidat për Tiranën. Sot na gjeni tek Liqeni, Pedonalja, Rruga e Elbasanit dhe Astiri, prandaj merrni mjetet e identifikimit me vete edhe po dolët me tuta sportive.
Kush është në punë edhe ditë të diele, të më kontaktoj se vijmë ia marrim firmën poshtë shtëpisë/punës, “firma taxi”.
Diskutime rreth kësaj post