Arjan Çani rëndit një më një arsyet: Pse Rama duhet të kalojë Shqipërinë në monarki

Gazetari Arjan Çani tha në emisionin Noë, në Euronews Albania se me politikën që po ndjek kryeministri Edi Rama nuk është çudi që të kalojë në një sistem monarkik ku të mos ketë nevojë për opozitën.

Çani u shpreh se një revolucion i thirrur nga një parti nuk funksionin pasi revolucionet duhet të bëhen nga masat.

“Ai nuk e di pse po vonon por mund të kalonte në një sistem krejt tjetër, në një lloj monarkie de fakto ku mos të kishte nevojë fare për opozitën. Opozita në këto momente, prej vitesh nuk arrin dot të jetë në një frekuencë me popullin, me turmat e mëdha të njerëzve. Një revolucion i thirrur nga një parti, unë personalisht nuk besoj, kushdo qoftë ky. Arsyet mund të jenë të shumta. Në një vend ku njerëzit abuzohen me xhepat e tyre pafund, ku faktet janë në dritë të diellit dhe njerëzit janë indiferentë, do të thotë që njerëzit kanë gjetur mënyra të tjera për të jetuar. Po t’u bënte përshtypje do ishin në rrugë”, tha Çani.