Deputeti i PD-së Luan Baçi është shprehur se kreu i qeverisë Edi Rama e meriton që ta nxjerrësh nga dritarja e kryeministrisë.
Këtë e tha i ftuar në emisionin “Review” ndërsa u pyet se si do e rrëzojnë Ramën nga pushteti.
Më tej ai tha se opozita është e vendosur në misionin e saj.
“Ne s’kemi pse presim Ramën të japë dorëheqjen. Opozita është e vendosur në misionin e saj për të rrëzuar qeverinë dhe për të larguar Ramën. Rama e meriton që të shkosh ta nxjerrë nga dritarja e kryeministrisë, por ai nuk rri në zyrë, ai ikën. Por nuk është qëllimi i opozitës ky, pushteti nuk merret me dhunë. Nuk do të lejojmë që të vrasim ndërgjegjen e qytetarëve”- tha ai.
Diskutime rreth kësaj post