Banorët që kanë jetuar më parë në ish godinat e Qytetit Studensit janë ngritur këtë të mërkurë në protestë para Kryeministrisë, për të kërkuar nga kreu i qeverisë Edi Rama ndihmë pasi janë përjashtuar nga bonusi i qirasë dhe programi i rindërtimit.
Ata thanë se po paguajnë prej dhjetorit banesat me qira pasi u nxorrën nga godinat e QS, por nuk e përballojnë dot dhe kërkojnë ndihmën e shtetit.
“Të trajtohemi si ata që humbën shtëpitë nga tërmeti. Kërkojmë të jemi pjesë e programit të rindërtimit, ne nuk ishim zaptues por qytetarë shumë të rregullt për 30 vite kemi paguar detyrimet tona e i bëmë të jetueshme ato karakatinma të vjetra, vetëm trualli është i bashkisë.
Mbajeni premtimin zoti kryeministër që na thatë se s’do mbetemi kurrë vetëm. Mos na diskriminoni dhe mos na hidhni në rrugë në një kohë kur cmimet e apartamenteve kanë kapërcyer frikshëm. Ju keni në dorë fatin tonë, ligjet janë të ndryshueshme.
I bëjmë thirrje kryeministrit të vejë dorë në zemër e ta ndryshojë këtë ligj se ne si jemi të trajtuar me bonus qiraje ta ndryshojë e të na bëjë pjesëtarë të procesit të rindërtimit.
Bonusi i qirasë është ndërprerë që më 27 dhjetor, jemi hequr nga programi i rindëtimit dhe granti i zhvillimit të tërmeti, jemi 150 famijlare, na kanë premuar banesa në zonën e 5 majit.
Kemi kërkuar e s’na kanë dhënë përgjigje, vetëm cfarë kemi dëgjuar në tv, që ne jemi quajtur zaptues, kemi jetuar me një qira simbolike, për ne ishte qira e vërtetë, 130 mijë lekë e kemi paguar se dikush ka pasur një krah pune, dikush invalid, janë nga të gjitha shtresat.
Ne po jetojmë me qira, dhe qiraja për ne është e papërballueshme se vetëm me një krah pune nuk mbahet qiraja, ato godina janë shkatërruar e është ndërtuar godinë aty nuk e di për cfarë. Ne duam të marrim banesa të reja se cmimet tani kanë vajtur shumë të larta, qoftë dhe me një kredi të butë”, tha njëri nga qytetarët protestues.
Diskutime rreth kësaj post