Ministri i Jashtëm i Turqisë, Mevlut Çavousoglu ka deklaruar se Turqia refuzon hapur anëtarësimin e Suedisë në NATO. Në një dalje për mediat, Çavousoglu tha se do të ulen për të biseduar vetëm nëse Suedia plotëson kriteret.
“Nëse një ditë Suedia plotëson kriteret, ne ulemi ta diskutojmë. Në këto rrethana nuk është e mundur që në t’i themi ‘po’ anëtarësimit të Suedisë në NATO. Këtë e bëjmë shumë të qartë”, ka thënë ndër të tjera ministri i Jashtëm turk.
Një protestë e veçantë u zhvillua në qytet në mbështetje të kurdëve dhe kundër ofertës së Suedisë për t’u bashkuar me NATO-n. Një grup demonstruesish pro-turq mbajtën gjithashtu një tubim jashtë ambasadës. Të tre ngjarjet kishin leje policore. Demonstruesit valëvitën flamujt e grupeve të ndryshme kurde, duke përfshirë Partinë e Punëtorëve të Kurdistanit, ose PKK, e cila ka zhvilluar një kryengritje prej dekadash kundër Turqisë. PKK konsiderohet një grup terrorist në Turqi, Bashkimin Evropian dhe Shtetet e Bashkuara, por simbolet e saj nuk janë të ndaluara në Suedi. Turqia më herët u zemërua nga drita jeshile e Suedisë për protestën përpara ambasadës së saj mes tensioneve të vazhdueshme pas kundërshtimeve të Ankarasë ndaj ofertës së Suedisë për t’u bashkuar me aleancën ushtarake të NATO-s.
Diskutime rreth kësaj post