Grupi i Enkelejd Alibeajt zbulon kandidatet për kryetare bashkie në Vaun e Dejës dhe në Patos

Grupi i Enkeljed Alibeaj, ka zbuluar këtë të shtunë dy kandidatë të tjerë për kryetarë bashkie në kuadër të zgjedhjeve lokale të 14 majit.

Bëhet fjalë për bashkinë e Vaut të Dejës dhe për Patosin, ku do të kandidojnë dy gra.

Klomentina Drini, është kandidatja që do të përfaqësojë grupin e Alibeajt për Vaun e Dejës, ndërsa gjatë viteve të fundit ka qenë ne pozicione të larta drejtimi në fushën e administrimit në biznese private por dhe në administratën lokale.

Ndërkohë, për Patosin garon Pranvera Rizai.

Kjo e fundit është anëtare themeluese e degës së PD në Patos dhe njihet për kontributin e saj edhe si anëtare e këshillit bashkiak, ndërsa aktualisht është mësuese.