Kreu i Grupit Parlamentar të PS-së Taulant Balla ka dhënë një deklaratë për mediat pasi kryeparlamentarja Lindita Nikolla mbylli seancën pas kaosit të shkaktuar në Kuvend.
Balla tha se situata e krijuar në Kuvend lidhet me një çështje tjetër, atë të thirrjes nga SPAK të Shkëlzen Berishës.
“Së pari situata sot e krijuar e Kuvendit lidhet me një çështje tjetër, atë të thirrjes nga SPAK të Shkëlzen Berisha. U gjendëm para shkeljeve të rënda të rregullores së Kuvendit nga Berisha dhe deputetë të tjerë. Duhet që sekretariati për rregulloren dhe procedurat të mblidhet urgjentisht dhe të shqyrtojë kërkesën që ne do të depozitojmë për marrjen e një mase më të lartë disiplinore të të gjithë deputetëve që pengojnë zhvillimin normal të seancës së Kuvendit. Seanca e sotshme ishte e rëndësishme, për pakon e madhe të mbështetjes. Seanca u bllokua se ata duan të heqin vëmendjen nga 21 janari”- tha Balla.
Diskutime rreth kësaj post