Kreu i PD Sali Berisha në një komunikim për mediat ka akuzuar kryeministrin Edi Rama se për vjedhur shqiptarët dhe për të pasuruar xhepat e tij është I gatshëm të mashtrojë. I ndalur teka afera e inceneratorëve, Berisha tha se filmimet me dron e nxorën zbuluar se inceneratorët nuk kryejnë asnjë funksion.
Ndër të tjera kreu i PD shtoi se SPAK nuk po kryen asnjë funksion dhe se sipas tij drejtësia është e kapur nga kryeministri Edi Rama, duke shtuar se sipas tij ka ardhur koha që konferencat të mbahen përballë Kryeministrisë.
“SKAP i partisë është pozicionuar nga plehrat e sipërmarrjes Rama-Veliaj dhe nuk ka gjë më flagrante se kjo. Janë bërë 51 mln euro pagesa nga qytetarët e Tiranës për kontot offshorë të Veliajt dhe Ramës për plehra sikur digjen, në një kohë kur ato jo që nuk digjen por as edhe nuk seleksionohen siç u betua dhe rrahu gjoksin Edi Rama para parlamentit shqiptar. Të gjithë këto bëjnë të paditurin dhe nuk ndodh asgjë. Nuk ka akt më të turpshëm dhe flagrant se qëndrimi I drejtësisë ndaj kësaj afere. Akuzën e parë për ministrin Koka e ka për korrupsion por nuk ka asnjë hetim. SKAPI e ka të ndaluar të hetojë ia ndalon partia. SKAPI përveçse, se këta janë ish-të gjithë. Lefter Koka është ish-ministër. Shqiptarët duhet të marrin në dorë fatin e tyre, drejtësia nuk ekziston, afera e djegësve është afera më demonstrative e shtetit mafioz, e një shteti që nga kreu I ekzekutivit tek OPGJ e me radhë, ministri e kryetari I bashkisë janë mafie. Veliaj që kalon çdo ditë para kamerave ushtron presion mbi mediat për të censuruar është një hajdut. Ka rritur taksën e plehrave për qytetarin e thjeshtë. Ka ardhur koha që këto konferenca ti bëjmë në Kryeministri, të paktën të personalizohen, gjithçka siç është personale në këtë afere. Ju I patë dronët që ia nxorën petët lakrorit dhe treguan se Rama për xhepat e tij është I gatshëm të mashtrojë. Ai harron se atje në Davos qëndron mbi plehun dhe mafian e plehut”, tha ai.
Më tej Berisha shtoi:
Nuk kam të dhëna se Ismali ka fluturuar në Kolumbi, por kam të dhëna se ka bërë fluturime të dyshimta. Ka probleme shumë serioze dhe vetëm hetimi është vendimtar për të përcaktuar çfarë ndodhi me 137 fluturime. Çfarë bën ky njeri në ajër gjatë gjithë kohës. Nëse SKAP-in e groposim tek plehrat e Sharrës, Komisionet Parlamentare i ndalojnë atëherë ky vend ka të vetmen zgjidhje revolucionin. Së fundi dënoj me ashpërsi, mbrojtjen që Rama i bëri Putinit të vogël në Davos. Parlamenti Europian, opinioni publik perëndimor është i revoltuar me qëndrimet ndaj sanksioneve ruse. Dy pyetje e shoqëruan padronin e Ramës në Davos , a është Putini kriminel lufte dhe përse Serbia nuk respekton sanksionet e vendosura nga BE. Vuçiç tregoi se është një Putin i vogël dhe refuzoi të pranojë se Putini është kriminel lufte. Me e turpshme është avokatia që i bëri Edi Rama padronit të tij.
Pra bllokimi i gazit rus nga Europa është një gabim sepse u zëvendësua me gaz nga vende të tjera. Së pari tregtia është tregti dhe një vend në luftë që vret, izolohet dhe së dyti ky bën avokatinë e Putinit këtu. Ana më kryesore e këtij konflikti është se Gjermania federale arriti të shkëputet nga gazi rus dhe ia la dopio gjashtën në dorë Putinit.
Asgjë nuk mashtroi dot demokratët, asnjë kërcënim nga askush nuk bërë që të tërhiqen nga rruga e Rithemelimit të një opozite të vërtetë. Demokratët, janë dhe mbeten njerëz të idealeve demokratike pro perëndimore dhe pro amerikane , por kurrë nuk mund të shantazhohen, aq më tepër nga diplomatë që kanë dëmtuar rëndë me qëndrimet tyre reputacionin e vendit të tyre tek shqiptarët. Me këtë rast demokratët dhe shqiptarët kanë kuptuar se Amerika është vendi i vlerave, por ka edhe ajo problemin e saj me mafien e Xhorxh Soros që nuk njeh parime e vlera dhe as interesa amerikane. Kjo mafie sic është rrezik për demokracinë shqiptare është rrezik edhe për demokracinë amerikane.
Diskutime rreth kësaj post