Lajçak takohet Kurtin në Davos: Diskutuam për hapat e mëtejshëm në dialogun me Serbinë

I dërguari i Posaçëm i Bashkimit Evropian për dialogun Prishtinë-Beograd, Miroslav Lajçak është takuar sot me kryeministrin e Kosovës, Albin Kurti në Forumin Ekonomik të Davosit në Zvicër, ku po merr pjesë edhe kryeministri Edi Rama.

Përmes një postimi në rrjetet sociale, diplomati Lajçak bën me dije se me Kurtin biseduan për hapat e mëtejshëm në dialog që do të çonin në normalizimin e marrëdhënieve me Serbinë.

“Fillova ditën time në Davos me një diskutim të thelluar me Kryeministrin Albin Kurti. Ne folëm për hapat e ardhshëm në dialog për normalizimin e marrëdhënieve dhe çështjet aktuale”, shkroi ai në Twitter.