Çfarë pritet? Paralajmëron Lavrov: Nëse Finlanda anëtarësohet në NATO do të marrim masa

Lavrov ka deklaruar se Moska do të detyrohet të marrë masa nëse Finlanda bashkohet me aleancën ushtarake të NATO-s. Finlanda dhe Suedia kanë aplikuar për t’u bashkuar me bllokun dhe aktualisht janë në negociata.

Lavrov tha se Finlanda dhe Rusia kanë pasur prej kohësh marrëdhënie miqësore, por kjo ndryshoi dhe për këtë arsye Rusia do të duhej të merrte masat e duhura në kufijtë e saj, nëse Finlanda me të cilën ndan një kufi prej 1,300 km (807 milje) bëhet pjesë e NATO-s.