Goditi me grusht Sali Berishën, zbardhet dëshmia e Gerti Shehut para togave të zeza

Gert Shehu, 31-vjeçari që goditi me grusht kreun e PD-së, Sali Berisha, gjatë protestës së 6 dhjetorit ka dalë sot para Gjykatës së Apelit.

Trupa gjykuese mësohet se kanë dhënë masën e sigurisë “arrest me burg” për të.

Shehu ka qenë i pranishëm edhe vëtë në seancë. Para togave te zeza ai ka thënë: Dua të iki në shtepi se jam djale i vetëm dhe dua të marr ilaçet për mjekim.

Avokatët e Shehut i kanë kërkuar gjykatës së Apelit shtrim të përkohshëm në një institucion psikiatrik për 31-vjeçarin pasi sipas tyre vuan nga çrregullime mendore, dhe lënien në arrest shtëpie.

Avokatët, kanë deklaruar se 31-vjeçari vuan nga probleme të shëndetit mendor, por nuk kanë paraqitur dokumente që vërtetojnë pretendimet e tyre për gjendjen shëndetësore të tij.