Komandanti i KFOR-it, gjeneral major Angelo Michele Ristuccia, ka reaguar për tensionet në veri të Kosovës.
Ristuccia ka thënë se ai mbetet në kontakt të afërt me të gjitha palët e përfshira në proces.
Sipas tij, KFOR-i mbështet dialogun për të gjetur marrëveshje me qëllim të zbutjes së tensioneve në veri.
Ai shton se KFOR mbetet plotësisht vigjilentë dhe të aftë për ta përmbushur mandatin që bie nën Rezolutën 1244 të Këshillit të Sigurimit të Kombeve të Bashkuara, për të gjitha komunitetet në Kosovë.
“Është e rëndësishme që të gjithë të përfshirët të shmangin çdo retorikë apo veprim që mund të shkaktojë tensione dhe të përshkallëzojë situatën. Ne presim që të gjithë aktorët të përmbahen nga shfaqjet provokuese të forcës dhe të kërkojnë zgjidhjen më të mirë për të garantuar sigurinë e të gjitha komuniteteve.
Ne i inkurajojmë të gjitha palët që të ndihmojnë në sigurinë dhe lirinë e lëvizjes në Kosovë dhe të parandalojnë narrativat mashtruese që të ndikojnë në procesin e dialogut. Mbesim vigjilentë dhe plotësisht të aftë për ta përmbushur mandatin që bie nën Rezolutën 1244 të Këshillit të Sigurimit të Kombeve të Bashkuara, për të gjitha komunitetet në Kosovës. Zgjidhjet duhet të gjenden nëpërmjet dialogut”, përfundon deklarata e komandantit të KFOR-it.”, thuhet në një deklaratë zyrtare të Ristuccias.
Diskutime rreth kësaj post