Gazetari Robert Papa, ka folur ditën e sotme në një emision televiziv në lidhje me njoftimin e ministres Xhaçka për largimin e ambasadores amerikane Yuri Kim nga Shqipëria, i cili e konsideroi një skandal dhe shkelje të protokollit.
Papa tha se Yuri Kim nuk u soll aspak në mënyrë diplomatike, ishte e afërt me ish-komunistët shqiptarë, dhe beson se tashmë do jetë thjesht një burokrate në DASH. Sa i takon emrit të lakuar si ambasadori i ri amerikan në Shqipëri, David Kostelancik, Papa tha se bëhet fjalë për një mbështetës të flaktë të Sorosit që ka pasur përplasje me Orbanin në Hungari.
“Teknikisht nuk ka përfunduar, asaj mandati i mbaron në janar. Mund të rrijë edhe 4-5 muaj më shumë, se mund të ketë probleme me nominimin e të ardhurit të rij. Është pozitive apo negative s’mund të them se përfaqëson një shtet të madh. Ne shqiptarëve s’na vjen mirë që një diplomate sillet në mënyrë aspak diplomatike dhe shumë e afërt me ish-komunistët shqiptarë. Zonjusha vjen nga një vend i egër komunist, është koreano-amerikane dhe duhet ta dijë çfarë e detyroi familjen e saj të arratisej nga Koreja e Veriut dhe të vinte në Amerikë. Ajo ka përfituar nga ky vend i madh, duke qenë nëpunëse, dhe jo rrallë këto vende sigurohen nga minorancat, afrikano-amerikane, aziatike. Ka shumë pushtet në departament, ka qenë shefe e stafit të Blinken, ndaj kjo ka bërë që të ishte më tepër se ç’duhet diplomatike. Edhe ajo që do vijë do ketë gjuhën e Escobar dhe të DASH. Pronësia e të vërtetës s’është të një diplomat apo ambasador, por duhet të jemi të kujdesshëm me nofkat dhe epitetet dhe nxitjen e frymës anti-amerikane…Aspak s’u tregua luajale. E ashpër ndaj Berishës, thuajse si motër me Ramën.
Atë që bëri Xhaçka është një skandal. Në protokollin diplomatik, kur Amerika do të sjellë një ambasador thuhet dekret me laps. Sillet emri në Shqipëri që të merret agrementi dhe pastaj bëhet nomimini nga Presidenti për të mos patur përplasje. Xhaçka si duket ka parë emrin, David Kostelancik, që ka ardhur si emër për të kërkuar agreemant-in. Por asnjëherë s’janë bërë publike, është shkelje e protokollit. S’ka procedurë për ikje të ambasadorit, thjesht ikën kur i mbaron mandati. Zotëria që vjen është i bardhë. Ka probleme. Ka qenë kontradiktor në Hungari në përballjen kundër Orban dhe mbrojtës i flaktë i Sorosit. Kjo është një kambanë, dhe jo shenjë e mirë. Nuk është çudi që Rama të ketë lobuar që të vijë dikush që është më afër tij. Unë shpresoj që në Shqipëri të vijë një diplomat që të jetë sërish diplomat. Nuk duam ambasadorë skandaloz si Grenell në Gjermani dhe Kim në Shqipëri. Ajo më është dukur më shumë protagonist se ç’duhet. Ajo u bë pjesë e politikës lokale. Nëse shihni foton kur ajo erdhi dhe iku, ka ndryshim të madh. Jo vetëm është takuar me oligarkë, tregon një lloj luksi. Problemi është ky i them zonjush Kim, shqiptarët janë pro amerikanë, ndihen të ofenduar kur dikush është i afinuar me ish-komunistët. Nuk besoj se do jetë ambasadore pas kësaj, do kthehet në Department, si një burokrate e thjeshtë. Politikanët tanë të pozitës dhe opozitës nuk duhet të krijojnë asnjë përplasje me Amerikën. DASH ka dekada që është liberal dhe i majtë, s’e njeh realitetin tonë”.-tha ai.
Diskutime rreth kësaj post