Një ditë nga samiti në Tiranë, reagon Ambasadorja e BE-së: Mundësi e mirë

Ambasadorja e BE-së, Christiane Hohmann është shprehur se tashmë Tirana është gati për të pritur samitin që do të zhvillohet mes BE-së dhe Ballkanit Perëndimor.

Nëpërmjet disa fotove ku shfaqet qyteti i Tiranës dhe përgatitjet që janë zhvilluar në të, kryediplomatja u shpreh se ky samit është një mundësi për të rikonfirmuar rëndësinë kyçe të partneritetit strategjik mes BE-së dhe Ballkanit Perëndimor.

“Tirana është pothuajse gati për Samitin BE – BallkaniPerëndimor, i pari që do të zhvillohet në rajon. Kjo është një mundësi për të rikonfirmuar rëndësinë kyçe të partneritetit strategjik midis BE dhe Ballkanit Perëndimor, një rajon me një perspektivë të qartë të BE”-shkruan Hohmann.