Pas shpalljes të kandidaturës për Primarët në PD, Luçiano Boçi zbulon arsyet kryesore se pse do garojë për kryebashiak të Elbasanit

Pasi prezantoi sot kandidaturën për primaret e PD, për të garuar për bashkinë e Elbasanit, vjen një reagim nga Luçiano Boçi.

Ky i fundit përmes një mesazhi në ‘Facebook’, thekson se iu përgjigj kërkesës imponuese të qytetarëve dhe demokratëve të Elbasanit për të kandiduar. Ai shtoi mes të tjerash se kandidimi i tij nuk është sakrificë e dorëzimit të një mandatit të deputetit.

REAGIMI I BOÇIT

“Mirënjohje për qytetarët dhe demokratët e Elbasanit që më kanë mbështetur në çdo angazhim timin në politikë!

Pa asnjë hezitim i jam përgjigjur kërkesës imponuese të tyre për të garuar dhe për t’i kthyer atyre Bashkinë e Elbasanit!

Sepse këtij qyteti i kam borxh gjithçka:

I kam borxh suksesin

I kam borxh mbështjen

I kam borxh kohën

Përkushtimin, arritjet.

I kam borxh rinisë së tij që sot e sheh atë si vend të mallkuar.

I kam borxh femijëve të tij për kopshte e shkolla ciësore.

I kam borxh moshes aktive që nuk gjejnë dot vendin e punës

I kam borxh prindërve tanë për nje perkujdesje të merituar.

I kam borxh biznesit, fermereve, sportistëve artistëve, të gjithëve.

Dhe dua ti shlyej këto borxhe.

Ti shlyej duke punuar bashke me durim:

Që qytetin t’ia kthejmë njerëzve!

Që Elbasanit t’i kthejmë shkëlqimin e dikurshëm!

Që Elbasanit ti kthejmë lavdinë e arsimit!

Që Elbasanit ti kthejme muzikën e festave, ngjyrat e jetës e luleve të dikurshme!

Që Elbasanit ti kthejme gëzimin e harenë e të jetuarit.

Prandaj ky kandidim i imi nuk është sakrificë e dorëzimit të një mandati që nuk është i imi por i votuesve.

Ky kandidim i imi është përgjegjësi për t’u bashkuar të gjithë brenda PD.

Përgjegjësi për t’u bashkuar të gjithë si qytetarë e banorë të Elbasanit, të djathtë, gri e të majtë, për të ndërtuar dhe sjellë së bashku në Elbasan një shpresë të re, një besim të ri, pse jo një Bashki të re që nuk eshtë më e kryetarit dhe e drejtorëve, por e qytetarëve të saj!”, ka shkruar ai.