Deputeti i PD-së reagon ashpër ndaj deklaratës së Ramës: Ndjell të keqen si Kasandra, kërkon t’i shpëtojë të vërtetës

Deputeti i Partisë Demokratike Tritan Shehu deklaroi se kryeministri Edi Rama kërkon t’i shpëtojë të vërtetën dhe të bëjë bashkë Procesin e Berlinit dhe Ballkanin e Hapur.

Me anë të një postimi në rrjetet sociale, Shehu u shpreh se “Ballkani i Hapur” u krijua nga presidenti serb Aleksandër Vuçiç si “hije” për Procesin e Berlinit, si një instrument i dominimit serb në rajon.

Shehu. duke komentuar takimin e përbashkët të qeverisë së Maqedonisë së Veriut dhe Shqipërisë në Shkup, tha se deklarata e kryeministrit Rama kur tha se Procesi i Berlinit nuk do të jetë i përjetshëm, ndërsa Ballkani i Hapur po, është e rrezikshme.

Postimi i plotë:

“Rama sot nga Shkupi mohon te verteten e ben “Kasandren” per shqiptaret:

1-Ai me demagogji kerkon t’i shpetoje te vertetes, duke vene se bashku “Procesin e Berlinit me Ballkanin e hapur”.

Te krahasosh keto dy nisma eshte sikur te krahasosh “diten me naten”!

“Ballkani i hapur u krijua nga Vucic si “hije” per Procesit te Berlinit”.

Si instrument i dominimit serb ne Rajon

Si nje “ngrehine” percarese per Rajonin e sfumuese se pari e sovranitetit te Kosoves.

Si “kale troje” per te na terhequr drejt Lindjes nen lidershipin e Vucic.

Ndersa Procesi i Berlinit eshte:

Nje mekanizem efikas per te na ndihmuar ne implementimin e standarteve europiane.

Mundesia e bashkepunimit real si sovrane e te barabarte e te gjitha vendeve te Rajonit, me “fytyren” drejt Europes.

2-Me tej Rama edhe me keq, perpiqet te ndjelle te keqen si Kasandra kur ai thote se:

“Se fundmi do te mbetemi me Ballkanin e hapur, sepse Procesi i Berlinit nuk do te jete i perjeteshem, ndersa Ballkani i hapur do te jete”.

Nje deklarate kjo shume e rrezikshme per perkatesine europiane te Shqiperise, shqiptareve e Rajonit.

Sepse “Ballkani i hapur” eshte Lindja me dominimin serb.

Ndersa “Procesi i Berlinit” eshte demokracia, liria, eshte vete vendi e familja jone e perjetshme, Europa!

Dhe Europa ka qene e eshte e vetmja alternative per neve ne histori, ashtu sic ishte e vetmja shprese edhe gjate tragjedive tona ne shekuj, te largimit te dhunshem prej saj.”-shprehet Shehu.