Trejsi Sejdini: A ngel pa të dashur një femër si puna ime?

Modelja e njohur Trejsi Sejdini, ka sqaruar deklaratën e saj që mori jehonë në media se kishte mbetur pa lekë në Shtetet e Bashkuara të Amerikës, ku tha se e zuri karantina dhe iu desh të ndante qiranë me një person tjetër, pasi ishte shumë e vështirë të merrte një shtëpi me qira.

“Ta pret mendja ty, mirë pa lekë. Unë s’kam ngelur pa lekë po pa të dashur ngelet një femër si puna ime? Unë deri tani kam qenë me vizë turistike në Amerikë, kur ka rënë karantina unë kisha një muaj sa kisha shkuar dhe qejfi i fillimit. Mora një apartament atje, të cilin e ndaja me një person.

Në atë kohë më mori në intervistë një gazetare ku tregova se jam në shtëpi me një person tjetër dhe situata u keqkuptua. U duk sikur unë kisha mbetur pa para dhe pa të dashur. Do s’do duhej të gjeja dhe të dashur pastaj. Më kapi sedra dhe do s’do gjeta të dashur”, shtoi modelja me humor.