Kryeministri Edi Rama, nga Mallakastra shprehet i lumtur që po bie shi, jo për bereqetin, por për situatën energjitike, duke theksuar varësinë e vendit tonë nga reshjet, Rama theksoi se jemi në një proces transformimi.
Është e rëndësishme që të jemi të bashkuar tha kryeministri, pavarësisht bindjeve politike.
Rama: “Sot jemi pjesë e një bote që është në luftë. Kërkohet vullneti për tu bashkuar dhe secili në këtë bashkim mban pjesën e vet. Është një bashkim ku secili vjen me madhësinë e vet dhe merr edhe të ardhurat”.
Nga ana tjetër, tha kryeministri agroturizmi duhet të marrë fuqi shumë të madhe.
Rama: “Pse duhet të shkojë një i ri nga Mallakastra në Greqi të punojë për të tjerët, duke pasur këtu tokën e vet dhe tokën e gjyshit. Me një projekt të thjeshtë mund të ndërtojë një destinacion ku mund ta ketë plot e përplot me turistë gjatë gjithë vitit dhe të garantojë të ardhura që janë shumë më të mëdha se të ardhurat që mbledh jashtë duke punuar për të tjerët”.
Kreu i qeverisë, bëri me dije se sot jemi në kushtet kur në fund të vitit mund të regjistrojmë 500 milionë eksporte.
Kjo është një shifër serioze, por e pamjaftueshme.
Rama: “Sot eksportojmë më shumë, por mund të bëjmë shumë më tepër. Ama këto eksporte janë produkte të njerëzve që po ia shohin hajrin punës në bujqësi. Ne duam të arrijmë në 1 miliard eksporte në fund të kësaj dekade. Unë i sfidoj ata që punojnë në Greqi dhe Itali të shikojnë sa marrin atje nga italianët dhe grekët dhe të shikojnë se sa marrin në fushën e Lushnjës. Tha njëri në Lushnje ne nuk i deklarojmë pagat se janë më të larta që japim”.:
Diskutime rreth kësaj post