Bindja Demokratike ka zhvilluar këtë pasdite në Elbasan takimin me forumin më të lartë kombëtar të saj. Koordinatorët e qarqeve morën pjesë në këtë takim ku u diskutuan disa nga çështjet e aktualitetit të kësaj force politike por gjithashtu zhvillimet për primaret.
Astrit Patozi ne deklaratën për mediet u shpreh se ne zgjedhjet vendore Bindja Demokratike do te garojë e vetme. Edhe pse qarteson se Bindja do të jete forcë opozitare.
Për koordinatorin e Bindjes Demokratike për Elbasanin, Erion Murataj ka ardhur koha që në politikë të drejtojnë të rinjtë.
Edhe pse nuk janë zyrtarizuar ende emrat e kandidatëve, gara në Elbasan pritet të jetë e fortë.
Nuk dihet se si është rikthyer në krye të partisë Bindja Demokratike, Astrit Patozi që dha dorëheqjen më 2 maj 2021 pas rezultatit zhgënjyes që mori në zgjedhjet parlamentare të 25 prillit, kur deklaroi se merrte përgjegjësinë e këtij rezultati dhe për këtë arsye largohet nga drejtimi i partisë së themeluar prej tij në prill 2019.
“Duke falënderuar edhe një herë kandidatët, mbështetësit dhe të gjithë votuesit e Bindjes Demokratike në zgjedhjet e 25 prillit, kam vendosur të marrë të gjitha përgjegjësitë për mosarritjen e objektivave tona elektorale dhe të dorëhiqem nga drejtimi i partisë”, deklaronte ai atëherë.
Në zgjedhjet parlamentare të 25 prillit, Bindja Demokratike mori në të gjithë vendin 8 238 vota ose 0.52% në rang kombëtar. Astrit Patozi ishte kandidat për deputet në Qarkun e Tiranës, ku BD siguroi në total 2 469 vota ndërsa vota preferenciale kishte 830.
Diskutime rreth kësaj post