Shefi i organizimit në Partinë Demokratike, Klevis Balliu, thotë se në fillimet e punës së tij u mor me shtëpinë botuese të familjes dhe më pas u punësua tek Presidenca në kohën e Bujar Nishanit, por duke qenë institucion i pavarur, nuk u angazhua politikisht.
Ai e cilësoi kohën në Presidencë si kohë të mirë, pasi merrte shumë informacion.
“Jam diplomuar në Angli për shkenca politike dhe master për sigurinë kombëtare. Për shkak të ndërthurjes së sistemeve kam një diplomë amerikane dhe një britanike. Ideja se nëse ke studiuar jashtë di më shumë se dikush që ka studiuar këtu po njësoj, është e gabuar. Diferenca në arsim është investimi që jep shteti për kërkime shkencore, për laboratorë dhe standarde më të larta. Shkenca e politikës ka të bëjë me leximin, njohjen historisë dhe leximin. Në Shqipëri janë mundësitë e studimit. Ka moshatarë të mitë që kanë studiuar këtu dhe nuk ka diferencë të madhe. Ka diferencë të madhe shkolla atje se atje diploma ka vlerë. Ndërsa në Shqipëri mund të marrësh 10 diploma nëse nuk ke një mik, nuk ka vlerë.
Në Shqipëri sulmohet arsimi dhe i hapet rrugë, banditit. Kjo e sulmon diplomën dhe e bën të riun që të mos e marrë seriozisht shkollën dhe arsimin, se nuk ka vlerë diploma. Mendoj se është turp i madh që elita e një kombi, pedagogu ta ketë rrogën katër herë më të ulët se shoferi i Fondi i Zhvillimit. Mungesa e vlerësimit ndaj elitave dhe mungesa e investimit ndaj trurit të shoqërisë, ka sjellë investim të madh drejt llumit të shoqërisë që ka arritur në parlament. Shpesh krahasohemi me Kolumbinë, por kur Pablo Eskbar hyri në parlament doli për 24 orë nga atje, ndërsa ne jemi më keq se Kolumbia”.
Lidhur me arsyen pse studioi jashtë vendit, deklaroi në emisionin “Arnautistan” në MCN Tv, se e bëri për të pasur një arsim më serioz, teksa shton se dëshirën për t’u marrë me politikë e ka pasur qysh herët.
“Jam rritur në tavolina politika. Politikën mund ta duash ose jo, por është gjithë kohës në jetën e qytetarit, nga pagimi i taksave, tek arsimi. Është një mënyrë shumë e mirë për të bërë diçka për popullin tënd. Në politikë nuk të bashkojnë mosha apo brezi, por parimet. Besoj tek teza një komb një qëndrim, tek bashkimi kombëtar, ulje taksash dhe një treg të lirë. Unë besoj tek politikat e djathta. Këto parime më bashkojnë. Mbasi brezi i ri flet më ndryshe, por politika na bashkon. Janë shumë të rralla vendet si ne ku brezi im, janë në nivele më të larta të politikës. Në Europë apo SHBA, senatorët janë në ato karrige prej 30 vitesh. Nëse unë i besoj kauzave, i kam qëndruar kauzave. Nëse nuk i besoj kauzës, nuk i qëndroj”, tha ai.
Diskutime rreth kësaj post