Analisti Arjan Curi, i ftuar në “Çim Peka Live” tha se në Shqipëri rrezikohet të instalohet një regjim monist,
Curi tha se kryeministri Edi Rama, ka për qëllim të nxjerrë jashtë politikës udhëheqësit e opozitës.
Sipas tij, fillimisht u provua me një non grata ndërkombëtare për Sali Berishën dhe tani po provohet e njëjta gjë edhe me Ilir Metën.
Votimi në Kuvend për ligjin e dosjeve, tha Curi, tregon se sëmundja e PD vazhdon dhe është e rrezikshme.
Arjan Curi: “Nuk është vetëm për Metën. Kjo është një strategji e dytë për të nxjerrë nga politika udhëheqësit e opozitës, me të mirat apo të këqijat e tyre, votohen. Me të parin u provua me një non grata ndërkombëtare dhe nuk funksionoi dhe me të dytin po provohet me një non grata kombëtare, të shohim nëse do të funksionojë apo. Rrezik i madh për pluralizimin në Shqipëri, po shoh shenjat e para të një montimi të një regjimi monist, janë të njëjtat sëmundje që shfaqin të njëjtat simptoma, fillon me likuidime politike dhe mbaron me likuidime fizike nëse të parat nuk funksionojnë. Ajo që duhet thënë është se, sëmundja e PD vazhdon, është shumë e thellë dhe e rrezikshme. Ajo që u pa dje në Parlament nuk ishin vetëm njerëz që nuk dinin çfarë bënin. Ne pamë një gjysmëopozitë të pavotuar dhe të emëruar, që nuk kanë vota dhe frikësohen nga ata që kanë vota si zoti Berisha dhe zoti Meta që në ditët e tij më të këqija ka numëruar 100 mijë vota. Nuk thuhet që ne po hapim dosjet, këta kanë këtë të shkuar, le t’i lihet popullit në dorë nëse do t’i lërë në opozitë, apo do t’i kthejë në pushtet, por këtu po likuidohet i gjithë elektorati i djathtë, opozitar. Po i hiqet e drejta për të votuar. Dhe kryeministri është në përpjekjet e fundit për të kapur edhe opozitën. A duhet të takohet më Bardhi me Palokën? Unë them jo“, u shpreh ai.
Diskutime rreth kësaj post