“Bardhi po del si gjeli në plehra”, analisti flet për situatën në PD: Ja për nuk janë të sinqertë në bisedime

Analisti Genc Burimi, në lidhje skype në rubrikën “Opinion” mes të tjerash ka folur në lidhje me situatën në PD me bisedimet e nisura për tu bashkuar për zgjedhjet lokale të 2023.

Ai tha se nuk e sheh si të sinqertë tentativën për tu bashkuar me bllokun opozitar të bashkuar, pasi tha se kusht për të parë se qëllimi është vërtetë bashkimi, atëherë do të duhej të ishte tërhequr ankimimi për vulën e Partisë Demokratike.

“Nuk janë të sinqertë grupi i Alibeajt, do i quaj grupi i Yuri Kim. Po të ishte serioze e të kërkonin mposhtjes e qeverisë e fitoren e zgjedhje me kandidat të përbashkët, duhet të tërhiqte deponimin për vulën.

Ankesa është ende në fuqi e pritet të hapet gjyqi.

Po lind një blloku i madh opozitar, LSI ndërroi emrin, Meta thotë bujrum Berisha shko zgjidh kandidatët në primare unë jam ok. Kemi një grup të bashkuar. Grupi i Bardhit për tu përfshirë është për mua një tentativë për përçarë këtë grup opozite të bashkuar.

Bardhi po del si gjeli në plehra që prish punë familjes së tij e në mos dalë si plangprishës del e thotë kandidat i përbashkët. Jemi në kushtet e 6 marsit”, tha ai.