Nis me himnin kombëtar sesioni i ri parlamentar në Kuvend, ja çfarë pritet të diskutohet

Kjo e hënë çel zyrtarisht sesionin e ri parlamentar në Kuvendin e Shqipërisë. Seanca plenare ka nisur në orën 18:00 me himnin kombëtar, teksa deputetët janë ngritur më këmbë.

Kryetarja e Kuvendit Lindita Nikolli ka lexuar mesazhin e Presidentit të Republikës Bajram Begaj drejtuar Kuvendin në nisjen e sesionit të ri.

Pjesë e kësaj seance do të jenë nismat politike nga PS dhe PD për ish-spiunët e sigurimit dhe dekomunistizimin.

Seancë plenare publike.

Hapja e punimeve të sesionit të III të legjistraturës X në seancën plenare të datës 5 shtator 2022, e hënë, ora 18.00

Nis me himnin kombëtar sesioni i ri parlamentar në Kuvend.

Rendi i ditës:

Në mbështetje të urdhërit nr. 69, datë 2.9.2022 të Kryetares së Kuvendit, znj. Lindita Nikolla, rendi i ditës është si më poshtë:

Miratimi i procesverbaleve të seancave plenare të datave 21.7.2022, 24.7.2022 dhe 28.7.2022. (Neni 44, pika 2, i Rregullores)

Njoftime për çështjet e depozituara në Kuvend. (Neni 44, pika 3, i Rregullores)

Njoftim për programin e punës së Kuvendit për periudhën 5 shtator – 14 tetor. (Neni 26 i Rregullores)

Njoftim për kalendarin e punimeve të Kuvendit për periudhën 5 shtator – 30 shtator. (Neni 27 i Rregullores)