Stuhi, breshër e tornado, “çmendet” moti në Itali, shkaktohen përmbytje të mëdha

Dëme të shumta ka shkaktuar moti i keq që goditi veriun e Italisë të enjten, me reshje të dendura, breshër dhe tornado. Në Barga, afër Lucca, breshëri shkaktoi shembjen e një çatie mbi një makinë me pasagjerë, duke shkaktuar lëndime.

Në Massa Carrara, një tornado plagosi një punëtor në një depo. Në Firence, një burrë u godit nga një degë peme në një treg, ndërsa në qytetin e afërt të Botai një pemë ra mbi një karvan.

Dëme u raportuan gjithashtu në një treg në Marina di Carrara, ndërsa një stuhi e fortë shkaktoi përmbytje në vendpushimet bregdetare të Verzilla, duke hequr çadrat dhe karriget nga plazhet.

Në Liguria, dallgët goditën bregdetin midis Chiavari dhe Sestri Levante, duke dëmtuar një linjë elektrike. Familjet u evakuuan nga shtëpitë e tyre pranë Tigullio kur një tornado goditi zonën dhe dëmtoi shtëpitë. Në zonën e La Spezia-s u raportuan shembje çatie, ndërsa në verilindje të Ferrarës një vinç u shemb mbi shtëpi.

Shirat e dendur çuan në mbylljen e parqeve të qytetit të Milanos, ndërsa më në jug në Bendena, 11 familje u evakuuan pasi çatia e një kompleksi banesash u shemb.