Marrëdhënia mes kryetarit të Partisë së Lirisë, Ilir Meta dhe ish-kryeministrit Sali Berisha është një ndër më të komentuarat. Raporti mes tyre është i hershëm, e këtë mendim ndan edhe ish-kreu i Shërbimit Informativ Shtetëror, Fatos Klosi.
I ftuar në emisionin “Shqip”, Klosi u shpreh se bashkëpunimi i Berishës me Metën ka qenë i hershëm, madje tregon se si në vitin 1997 me anë të një telefonate u zbulua rastësisht se Meta merrte porosi nga Berisha.
“Në vitin 1997 ka pasur një telefonatë të ambasadorit italian Foresti në atë kohë me Tritan Shehun dhe në ato telefonata u zbulua krejt rastësisht se Ilir Meta merrte porosi nga Sali Berisha. Zbulimi i asaj telefonate ka qenë një rastësi e madhe.
Janë ato telefonat shtëpiakë që punojnë me valë dhe një telefon me të cilin po bëhej biseda nuk punonte mirë dhe kështu që biseda dëgjohej edhe nga telefona të tjerë dhe u kap fare rastësisht biseda, por aty u zbulua që Berisha i jepte porosi Ilir Metës”, u shpreh Fatos Klosi.
Diskutime rreth kësaj post