Ish-kryeministri Sali Berisha denoncoi sot se Edi Rama ka nisur që tani punën për blerjen e zgjedhjeve të ardhshme, duke zbritur në terren inspektorët e zonave. Berisha tha se zgjedhjet nuk do të vidhen më, për shkak se e gjithë opozita do të jetë në këmbë për garantimin e votave.
Sa i takon sistemit të drejtësisë, Berisha akuzoi se po vepron shumë me vonesë, dhe se e gjithë qeveria e Ramës është përlyer ne aferën e inceneratorëve.
Si do të arrini që të rrëzoni Ramën kur keni drejtësinë kundër, a keni besim se do të ketë zgjedhje të lira?
Berisha: Revolta, drejtësia dhe shteti ligjor, janë mekanizma institucionale, kushtetues më efikas për parandalimin e revoltave. Asgjë nuk nxit revoltën më shumë sesa bllokimi i drejtësisë, këtë po e bën Edi Rama nuk po e bën opozita.
Populli kërkon ndëshkimin e Edi Ramës dhe qeveritarëve të tij me firma dhe me dokumente. Nuk ka më opozitë që të mbyllë sytë përpara këtyre akteve, është e vonuar, ka persona që kanë bërë 289 statuse për aferën e djegësave. Për këtë qeveria do të japë llogari përpara qytetarëve.
Që tani inspektorët e zonave kanë nisur fushatën elektorale, por po bën një reagim fatal, është shpallur armik për votën. Ai le të vazhdojë, dhe ne të vazhdojmë me mënyrat tona.
Diskutime rreth kësaj post