Kryetari i Partisë Demokratike, Sali Berisha deklaroi se e ka në dorëzim dosjen ku pretendohej nga Autoriteti i Dosjeve se ish-presidenti Ilir Meta ka qenë bashkëpunëtor i Sigurimit të Shtetit (spiun).
Berisha tha sot nga selia e PD se kurthi është ngritur nga Rama në një mënyrë të “trashë” ndërsa foli për keqpërdorim të Gentiana Sulës dhe Lindita Nikolla. Berisha tha se bëhet fjalë për Ilir Muratin dhe jo Ilir Metën.
“Unë deklarova dy ditë më parë që gjithçka është një trillim i paskrupujt i Edi Ramës. I një njeriu që pa asnjë moral përdor shpifjen dhe trillimin kundër kundërshtarit politik. Nuk ka akt më të shëmtuar, sepse unë i kam ato aktet në dorë. Edi Rama e ka bërë në mënyrën më të trashë këtë kurth. Cilido që lexon email-in e ka të qartë se I.M është Ilir Murati nga Librazhdi dhe Filip Tare është nga Librazhdi dhe nuk ka asnjë lidhje me Ilir Rexhep Metën. Edi Rama ka keqshfrytëzuar në mënyrën më të shpifur qoftë kryetaren e Autoritetit të Dosjeve, qoftë Linda Nikollën. Unë mund t’ju them ju se në dokumentin e drejtuar Linda Nikollës, akuzon direkt Ilir Metën për bashkëpunëtor të Sigurimit të Shtetit,” shprehet Berisha.
Diskutime rreth kësaj post