Hapja e negociatave me BE-në, kryeministri grek uron shqiptarët: Urime të gjithëve për arritjet tuaja, sot gëzojmë me ju

Kryeministri grek, Kyriakos Mitsotakis ka uruar mbrëmjen e sotme me anë të një video mesazhi shqiptarët për çeljen e negociatave me BE.

Teksa uron shqiptarët për këtë sukses, Mitsotakis tha se Greqia ka qenë mbështetës i madh për perspektivën evropiane të rajonit dhe Ballkanit Perëndimor që prej Samitit të Selanikut në vitin 2003.

Urimi i kryeministrit grek:

“I dashur Edi, të dashur qytetarë të Shqipërisë fqinje jam shumë i lumtur që marr pjesë në festimet tuaja. Urime të gjithëve për arritjet tuaja. Sot gëzojmë me ju, sepse besojmë se ju e keni merituar. Greqia ka qenë një mbështetëset i madh i perspektivës evropiane për të gjithë rajonin dhe Ballkanit Perëndimor që prej Samitit të Selanikut në 2003-in, duke luajtur rolin e avokatit mbrojtës për ju. Greqia si fqinji juaj i afërt ju uron më të mirat. Urime Shqipëri!”-shprehet Mistotakis.