Opozita kërkoi debat, Kuvendi e rrëzoi, reagon përfaqësuesi ligjor i PD: Rama dhe vartësit e tij iu shmangën përgjegjësive dhe llogaridhënies, demokracia në pikëpyetje

Përfaqësuesi ligjor në Partisë Demokratike, Marash Logu ka reaguar pas seancës së sotme të zhvilluar në Kuvend, ku u rrëzua kërkesa e opozitës për debat.

Nëpërmjet një statusi në Facebook, Logu thekson se kryeministri Edi Rama dhe vartësit e tij vendosën sot të mos lejojnë zhvillimin e debatit dhe kjo sipas tij u bë për t’ju shmangur përgjegjësisë dhe llogaridhënies.

Statusi:

“Me vendimin nr. 6, datë 18.01.2002, Gjykata Kushtetuese — autoriteti i vetëm kompetent për interpretimin e Kushtetutës — ka sanksionuar se Kuvendi ka të drejtën dhe detyrimin t’ia nënshtrojë debatit parlamentar dekretet e Presidentit për emërim/shkarkim ministrash (foto). Edi Rama dhe vartësit e tij, në shkelje të nenit 98, pika 2 të Kushtetutës dhe nenit 110, pika 4 të Rregullores së Kuvendit, vendosën sot të mos lejojnë zhvillimin e debatit, për t’iu shmangur përgjegjësisë dhe llogaridhënies. Shteti i së drejtës dhe demokracia në pikëpyetje!”-thuhet në status.