Ndryshimet në qeveri, Kuvendi mblidhet sot në seancë të jashtëzakonshme, çfarë do të ndodhë?

Kuvendi do të mblidhet pasditen e sotme në një seancë të jashtëzakonshme. Seanca plenare do të nisë në orën 17:00 dhe në këtë mbledhje të deputetëve pritet të miratojnë shkarkimin e Arben Ahmetajt si zëvendës kryeministër dhe emërimin e Belinda Ballukut në vend të tij.

Gjithashtu në seancë do të miratohet edhe emërimi i ministres së Shtetit, Majlinda Dhuka, e cila do të jetë kryenegociatore e Shqipërisë në procesin e anëtarësimit në BE.

Rendi i ditës:

“Mbledhjen e Kuvendit në sesion të jashtëzakonshëm datë 28.7.2022, ora 17:00.
Rendi i ditës i seancës plenare është si më poshtë:
Dekret i Presidentit të Republikës së Shqipërisë nr. 13 835, datë 26.7.2022, “Për shkarkim Zëvendëskryeministri dhe ministri”.
Dekret i Presidentit të Republikës së Shqipërisë nr. 13 836, datë 26.7.2022 “Për emërim ministri”.
Dekret i Presidentit të Republikës së Shqipërisë nr.13 837, datë 26.7.2022 “Për emërim Zëvendëskryeministri”,
III. Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe për përgatitjen e dokumentacionit parlamentar që do të shqyrtohet.”

Ky urdhër hyn në fuqi menjëherë.