Kristjan Asllani, është duke kaluar një nga momentet më të bukura të karrierës së tij, talenti shqiptar u transferua në këtë merkato vere tek gjigantët e Interit, teksa nuk humbi kohë për të rrëmbyer skenën, me dy gola dhe një asist në tri miqësoret e zhvilluara deri tani nga zikaltërit.
Asllani u gradua titullar edhe në duelin e sotëm ndaj Monakos, që përfundoi me rezultatin 2-2, teksa tundi rrjetën në minutën e 59-të, duke justifikuar më së miri besimin e dhënë nga trajneri Inzagi.
Pas miqësores ndaj skuadrës franceze, shqiptari dha një prononcim për mikrofonat e “Sportitalia” ku deklaroi:
“Para një viti e gjysmë nuk luaja as me Primaverën e Empolit dhe tashmë jam këtu te Inter. Unë punoj gjithnjë për të dhënë më të mirën, jam shumë i lumtur që stërvitem çdo ditë me këtë grup. Kam shumë për të mësuar nga lojtarë të tillë, por dua të mësoj sa më shpejt të jetë e mundur.
Objektivat personale? Unë i marr ndeshjet me radhë, por si skuadër kemi një objektiv të madh që është të fitojnë titullin. Kemi vëmendjen te titulli dhe do të provojmë ta fitojmë”, u shpreh Asllani.
Diskutime rreth kësaj post